საქორთუოს
კიბექ ვეკმადგინუ ცაშა,
ვეგმადგინუ ხინჯიქ ზღვაშა,
ქავოსკიდი კირბეფიში გორუას,
ჟინანთარიშ მონა ვორექ.
სქან ჸოროფათ ჭვილი ვორექ
დო გილავპუნქ ბორიას.
ქუჯ გიღვარანს ეგრისიშე
დო გიორგი ჭყონდიდიშე
გიპირენა მორიას.
ქუვათხოზი მარტვილიშე,
ცოტნეს იშენთ ქაკვოჭიშე
ქელვუდირთუქ მუდგა
ვამიღორუას.
ხეშგურს ქეგეგირძანქ დაჩხირს,
დოგიზირუნქ ორქო–ვარჩხილს
მუდგაქ ვამაღოლუას.
ცაშა კიბეს ქემეგიდგუნქ,
ზღვაშა ხინჯის ქეგეგიდგუნქ
მოგაშორენქ უშინუს დო მორიალს,
ოღონდ სით ვამღალატა
ქარწყექ, ქარწყექ
მიპირენა მორიას....