სამარგალო ქჷგგალე
სამარგალო ქჷგგალე
ჩქიმი ხე დო კუჩხითია,
მუთუნ ბორჯის გემორჩი და
ინოფრთედა ხუნკითია.
ჟინ ღორონთის დოუჭყუდას
ჩქიმი ლუკმა, ჩქიმი თია,
დიხა ვაბჭარაფუდასი
ქოფცუმუდას ბუტუტია.
საჸოროფო ელი-მოლსი
უსხაპუნქ დო უბირქია,
დამიჯერი, მარგალ კოჩი
უსქანეთი ვებრგუქია.
ირიათო ქოჸოფედა
სამარგალო, ჩქიმი გური,
სქანი გეშა დობღური და
თენა მაჸი ოცქვაფური.
ტერი გეშაბჭყვიდიკონი
თოფი ხესი მიკებუდუ,
სქანი ჸოროფაში გეშა,
ღურა მუ რდუნ ვამიჩქუდუ.
ამდღა ხოლო თაში ვორექ
ოდო შური მაქანცუნი,
ჩქიმი სქვამი დიხა-წყარი
მარგალობას იძახუნი.
სქანი ჸოროფათი მიღუ,
სქანი სქუას ჯგირ დო ფური,
თენას გურით ვაფთქუანქ-და,
დობჭუდასი ჩქიმი შური