სამარგალოში მაფშალია
ნანა ჩიქავას
სამარგალოში მაფშალია
ჩქინი კუნთხუ მუჭო გახარია,
ნანა სქუა მარგალჲ დიდას
ბრელჲ ურდჷდას სქანცალია.
ამდღარი დროშა ვაგმაგინ.
გურც მონტუდუ თაკარია,
სქანი ხონარქ ქჷმმოჭიშუ
მუჭო ღურაშჲ წამალქია.
ფსუა გუფაჩ მაფშალიას,
ჰამას იბირც მახარიას,
დუდო ღორონთჲ, თე ხმაში რჩქილა
ირკოც დიდხანც ქაცალია.
ბჟა დო თუთა გაკორჩინე,
ცა მუნმოჭოფუ კარკანტია,
ჩქიმი ქიანას ვემერკებდას,
მურიცხეფიში ბარჩხალია.