სადაბადო ხევსურიში
სოდეთ ჭვირთი ემიჸოთამ,
ებრჩქინდი დოო ეიბრდინი,
მოგულ იალუშ ფიცარეფ,
თურ სასაფლეფს გივარჩხინი,
ჩქიმ თინა რე სადაბადო,
ლულვობაშე დიბრჩქვანინი.
სალი კირდეს ვაგობთირა
უღურუობაში ჯაშა,
სადაბადოს, სამოთხეშა
ქიანაში ემერ შხვაშშა.
მა მისხუნუ კირდე უჩა
თი თირამი, თი ჸინამი,
საარწივე, გიმენთქილიშ
წყუ ჩქარ ბროლი, ხვეხვეჩამი,
ა, ჯიხვი დო რინტუ, მობაღ,
ხორცი უღუ ჯიმუამი.
სალი კირდეს ვაგობთირა
უღურუობაში ჯაშა,
სადაბადოს, სამოთხეშა
ქიანაში ემერ შხვაშშა.
თუდო ვე–რზენს გივლაჸაფდე,
შურ გვალაშა გეკმენტებუ,
სალი კირდე ოხვით, გურსით
გვალაჸურე ეხუჯებუ,
თექ მისხუნუ დღაშ დალია,
ვე–რზენს რინა ინწარებუ.
სალი კირდეს ვაგოფთირა
უღურუობაში ჯაშა,
სადაბადოს, სამოთხეშა
ქიანაში ემერ შხვაშშა.
ვე–რზენს მუჩე, დიდებეფი,
უთვალ მაქონებდასუნი,
ხორუა დო ორქოშ ოხვენჯ,
ახამ ნიშეფ პჸუნდასუნი?
ვებკორინა მა ენეფი,
დუდქი ვადომღურასუნი
სალი კირდეს ვაგოფთირა
უღურუობაში ჯაშა,
სადაბადოს, სამოთხეშა
ქიანაში ემერ შხვაშშა.
სადაბადო, ნანინაში
ძუძუ, შხვაშა ვაგითირე,
ჟირხოლო მოგემუან,
თოლეფ ცალო ველითირე,
სადაბადოც იანთარუ,
ქიანასი ხომ ართი რე?
სალი კირდეს ვაგობთირა
უღურუობაში ჯაშა,
სადაბადოს, სამოთხეშა
ქიანაში ემერ შხვაშშა.