რომიშ კარწკუმა გენთხორილ ეტრუსკეფიშ მაფაშ ეკონია ზიტყვა
ზუკოლ ფუთიშ ომენცარეს
მალჷმარეფი: ეტრუსკეფი დო პელასგეფი!
ჰე, ჯიმალეფი, ლაზეფი დო თქვა მარგალეფი!
არძა თაქ რეთი, მა გორწყეთი ასე ჩქინწკუმა,
ბჟაეიოლშე ტერი არძას ასე ართ პუნა.
თევრეშე მოურც ათე კათა, ოკო პილათი!
ვაპილითიდა, მუკმართნა დო აშ გობჭყვიდუნა.
ჩქი მაჸვილარი ტერეფიში არძა ვორეთი,
ამშვ ჯიმა პუნცი, ამშვიხოლო თაქ გივორეთი.
კოჩ ოკო ჸვილე, მეტი მუშა მოულ ლჷმაშა,
ვაგაჸვილენდა ჸუდეს ყებურც ეკოდოხოდი…
შარა ულირი, ჯგირო გულირი,
კათა ურდუმი, ქვერსემ ლესქერი
დო თე დღალეფიშ გითოქარუა,
ალამირენა ათე კათუა,
(კათუა - კათაში შაყარუა).
ჭყოლოფუაში ფარსაკი ჯილა, ხეს გიკებ შილა!
ნასამართუო გინნაჭყვედი ჩქინ საქვარეფი
დო არზეფიშა ირო ჭკვერი მეჯინელობა,
ვორდით თეიშა დო ამარი ვორეთ ლჷმას,
უშქურანჯუო ვოხორანდით, ოდო ო ვირა!
ჩქინო ვორდითი, ვამორკუდეს სხაპუა-ბირა,
დითირუ ბორჯიქ, აკოხართე ჯვეში შარეფი,
კინ მუკი-მუკი გამნორთელე თე აგვარეფი,
დო გომირენა, თაქ ოკონა ბჭყვიდანინ თინა,
გემნმაკათესი ამარ ტერქი, ქეკმაჸუნითი!
ჩქიმწკუმა დო ღორონთიწკუმა,
ჰე ჯიმალეფი, ვარა ღურა დო ვარა რინა!