რობაიეფი (გინმათანგალი გიგა ქავთარაძე)

ო, მის ოკო, მუშო ოკო,
რინა ათეშნერი,
ართ მოურსჷნ, მაჟირაშო
ხამუ რე ლასირელი.
ჩქინი ბედი გიჩქუდასუნ,
უგურჩქინუ დიო,
თე ქიანას გორჩქინასუ
მიკორნუანდიო?


მიქ მუკაზგირტუ უჩილათუო
დღალეფიშ ულას,
მიქუთ ვაჩირთუნ, მუჭო გინასქიდ
თიქ რინას ღულას?
მა ფურს ვორთუქუნ დო სით ღორონთ,
ფურო მიგანქუნ,-
ხვამელიშ სქუა, ღორონთ რექ დო ვარ
კოჩი რექ რსულას?!


მუჟამც ღურუ ქუმურსუ დო
მა მომკიჩუნს ჸალსუ,
ართ ზალამი გემიჸონით,
ნჷმ ისოფუნთ ჸვასუ:
ჩქიმ დიხაშე ღვინიშ კულა
გაგშაჭვით დო დინოხ
ღვინ ქიგემბით! შურ მუმადგუმ
მა თი მერქაშ შვანსუ.