რამაზ კუპრას
თუთაშ მორთას ირაჸვალუდჷ ზუღა,
ტორონჯიშფერჲ ინჭკჲ გინოძუდჷ ჟი ცას;
ნანა ირგუნდჷ ღურელჲ სქუაშ დუც დო
ჩილამურეფი თის ურტუანდჷ ქიცას.
ჸვას უსირქუნდჷ ბორია გვალას,
დო ოკოლხეს მიკაძვაძუდჷ უჩა;
დიხათ წიკვილ, ჩილამურით ზღვარილ,
ნჭყოლირ გურით მიპკიონტუნდით ჸუჩა.
სქუაშ ღურას გინაფულენდჷ დიხა,
წაწილ ღალეფჲ გიშმურჩხუნდეს კიდირს;
მაფშალია გილაჸონუდჷ ჸას დო
ცა ვაბედუდჷ ბჟაშ ჩხორიაშ ჸიდირს.
მიხერგელუდჷ პროცესია გინძას,
ლეცერჲ ვა რდჷ დო ვოლიმუდით ჭუას;
ეკონია შარას ვაზარენდით
სამარგალოშ გიშნაგორა სქუას.
18 ეკენია 2010 წანა.