პირველი ულა ლებარდეშა
ლებარდეშ(ი) მალუეფი
მიიბშითი ჯარო,
ჩქინ პატიას ოხოლუდ(უ)
ხოშულ ცირა მარო,
ცირა ნაკლებო მიძირუ
თეშ(ი) შესადარო,
იში ამბე ირიკოს
ქარჩქინუნ ბარო.
მშვენიერი, მოსაწონი,
ტანი, მეჯინა დო სახე,
ქომოლს უჯგუ, გიჩქუდას,
გაჭირებას გიოძახე,
ეში ალმარენჯე კოჩქ
დღასი ოკო ვადელახე...
მუთ ქუორეთ ლებარდეს
ჭვენსუ დო ნოტანს...
მაროს გური ვაწართუმუ,
ირო ორე კოხტათ,
ალე კაკა კიჟინუნს -
მურუცხის მიკმაჸოთანს.