ოგურე
"შულადირი სისხირიშე გეიფალუ",
სქანი ცასუ ბჟა დო თუთა ვემიპალუ,
მახურჭოლცუ მუზმა გოკონ ურგინე,
ელეხიშე დღაში ვეგნიგურგინე!
მარქვალც რჩქინდ დო გაბათქალუნ თი გური,
მითაჟამშე ამდღარიშახ მიჸუნინ,
ენაცვათუ შური მუჭოთ კოჭობის,
ოგურე რე სქან ნტერეფიშ გოჭოფილც.
ქიგიბშინა ჟირანთასიშ გეთებას,
გოცხადებას ქრისტეშ შურიშ ენტებას,
მარა თეშო მითინ ვა რე მუთუნი,
კინ სქან სქუა რინა-კარც გითულირი.
ნტერალაქუ მარგალს ყებური გომირგილუ,
ეკოხუნა მეყიყინით გომითირუ.
ბონდო ბირაში მაჭყიშარო ვარა ქირგი
ჭუჭელეში ოჭუჭელე ვარა დირგი.
შულადირი სისხირიშე გეიფალუ,
სქანი ცასუ ბჟა დო თუთა ვემიპალუ.