ო
ობიშხას ღეჯი ჸვარესია დო საბატონც მივარესია.
ოდიშური ურგებელი ჯოღორი ლეხუმაშა მეჸუნდესია.
ოიაში ნოხორიის კოიაქ ქიგიხორუა.
ომბოლიში კვერი გვიანო გჷთიიჭუნია.
ონჯღორეში ნაჸვილა კოჩი მისი უძინურია.
ონჯღორიანი რინას ურინობა უჯგუნია.
ორქო მუზმა ჯგირი რენი, თიზმა ძვირი რენია.
ოსური გინულირს წყარ გინულირი ქუჯგუნია, წყარი კალაპოტის ქენოდოხოდუნია დო ოსურს მუთუნი ვახვარუნია.
ოსური ლეხი რდასჷნი, კოჩიში ღურა ქუუწი დო გემწოდირთუ.
ოსური ოშნერი კეხის მუნოგიზიმუანს, მარა მოსართე ოკო ვამანჭირაფუევა.
ოსურიში იარაღი ჩილამური რენია.
ოსურიში ფუჩიცალი რენია.
ოსურიში შხვაში კებურიშ ტუტა რე.
ოსურს ეუკონანქინ - თუთარე. გეუკონანქინ - ტუტარე.
ოსურს მუთუნი ვაფულენია, მუში ხანიში მეტი.
ოსურს პატიოსანი ჯოღორი ვამულალუანსია.
ოღალუამო მის ვადუჸუცინჷნი, მუ უჩქუნია.
ოში გლახა მაშიბელს ართი ჯგირი მაჩუალარი უჯგუ.
ოში კოჩი რდუა დო. ვაი, უკაცობასო.
ოში კოჩქ შხური ჭკომუა.
ოშუმეში ცინდალს ხოლო გოჩანსია.
ოცქვაფური ჯოღორქ ქობალი ვაჭკომუა.
ოჭკადურეშე ჯოღორს მუთა აღენია.
ოჭმარეში გურული -- ჸუჩა, ირული, ორჯუაში გურული - ნოდიშა ირული.
ოჯახიში გომაბახებელი გინორტებული ოსურს ბურჭული ქეკადინესია.
ოხორს ფულუნდესია დო სამუარხოს იჩიებუდესია.