ნარღითი ობირეში
Jump to navigation
Jump to search
მუ ბღოლუა ღურუს
ირფელამო ჸურუს,
უმუჯინ დო ჸვერეს
ცხაცხამუტა ჭველერს...
ვაგინ ხვეწა, მარდეფი,
ვაწანს ჭითა ვარდეფი,
გილეკოკ დო ჭუასი
უზეპუანს ქუასი...
უსინთოლე, ჸვერე,
თეცალ ხოლო ბრელ რე,
გოძირგონილ შურიში,
უზისხირე გურიში...
ღურუ იშენ შხვა რე,
ნაცალა დო ჭა რე,
ხუმაფილ დო ჩვეჩვე,
დუდი გერშა ვეჩე...
იბირგულუ ღურუ
უმარდე დო ჸურუ...
ვეგშაგორუნს მითინს
ეთის დო ათეს,
გერგეზის დო მონას
უჯაბელო ათენს!..