მუ ბძირა
მუ ბძირა,
ოგორალს მებდინაფუქ,
მუნაფა კირიბო გინმირულე.
ჩქიმ ზისხირს უზისხირეთ აკუღაფუქ,
ვამიჩქ,
თოლ მიკობდვჲ დო ვარ
გიმიბრულე.
ნარღი ჩქიმიშ გალე ვერეხიე.
ანჩხაბერს ინათუნს,
ინაჭვენს.
რინა ართიანშო ჩე რეხიე,
მუზმა მურიცხეფჲ ინაჭვეს.
ცა გეხუ' ასე თუდო დიხას,
ჩქიმ შური ჟიშე მუნაფუანს.
თუთა ბიაშფერო გოშირელე,
ვამიჩქ,
მი ოფუცქინაფუანს.
ბორიაქ ამარ განთხი გაგთომიღას,
ვარა
ცაშა ეკმოკინაფუას.
სო რე ჩქიმ ნახონა დო ჩქიმ ნამბარა,
მიშ გეშის გეპუნქ,
ნანოქურას.
მასქურც შურც იშო დინმუმბარა,
მოშქურ გვალო ხეს ვაშმოღურას.
მუ ბძირა,
აკონწყილს აკურღვაფუქ
მუნაფა პეტელით გინმირულე.
ჩქიმ ზისხირს
უზისხირეთ აკუღაფუქ,
ვამიჩქ,
გოპკურცხ დო ვარ
გიმიბრულე.