მუჟამს იხი შერენსჷ დო
მუჟამს იხი შერენსჷ დო
ზღვა დო გვალას აკათუნი,
მეხი კირდეს ონდღულუანს
დო ზღვას კართე აკართუნი.
მუჟამს კონკა დიხას წაწუ,
რობუს ნოჸორჷ აკარდუნი,
მუჟამს ქუა ზღვას ენოძუ,
შონური დო ლაკადური.
მუჟამს სქუა ეჲრჩქინდუ დო
ლიმუაშოთ ვაგარდუნი,
მუჟამს ჟინცა ჟინცა ვარე,
თუთას მურიცხჷ ვაქარგუნი,
მუჟამს თოლეფჷ ჩილამურიშ
ძიაძიათ მახარგუნი,
მუჟამს დიდაქ ვამანთხორ დო
მუჟამს მუმაქ ვამარგუნი,
სი სო რგორა მა თე დროსჷ,
ვარა ხუჯჷ მუთჷ ვამართუნი,
ხუცჷ თიმწკუმა მისქვამენქო,
მუჟამს რინაქ გამათუნი?!