მუნერი რე თე ცხოვრება
იბადებუქ კოჩი, ირდუქ,
ბრელი ხანი ვამიღუნა,
ხასლას ეშმაკ ალართხოზუ,
ღურუ ლანდო გილაპუნა.
ერჩქინდუქ დო სქან იღბალი
ბუნებასუ ჭარილი რე,
დეკვირებუქ თე რინასუნ
ირკოჩიშო ჩხვარილი რე.
მინი ადრე მეურცუ დო
მინი სქიდუ გვიანიშა,
მუშო გოკო მენდი მერჩე
ყურძენიში ტიანიშა.
ართ დროს თევრე დიღიმინწუქ,
სქან მოთირუ მოთა მორდე,
შური გიდგუნ ჯგირ აკეთი,
გაშინალი კოჩი ორდე.
ოშურეთის მობხვალამექ,
საფარსაკო ვარე ენა,
ბრელი მოკოდ მიბძირეკო,
მარა თექით დოღურენა.