მუმული დო მარგალიტიში კაკალი
Jump to navigation
Jump to search
სოგდენ(ი) ნაგვის ქოთომეფი
ქოცჷმჷდეს, ჩხირკანდესჷ;
მუთუნს ქოძირჷდესჷ და,
ართიანს მიდეუღანდესჷ.
შქირენული მახორობას
ოკათჷდჷ მაზოჯალი,
კუჩხეფი მუხამუზამი დო
დიდი ხონარით მაღჷრთალი.
ჭია, კაკალიში გამათჷ
მუმულქ ქოძირჷ მარგალიტი,
გურქ ქჷმურთჷ, შიიწუხუ,
უძირჷდჷკო ოკო პინტი.
-- "ენა მუ რე თე ოხერი?
"მუ ოკორდჷ აქი თესჷ?
"თინა ჸურუ ვა ჸოფენო,
"თეს მითი ძვირას აფასენსჷ?
"ჭვეში კაკალი მისხუნუდუ
"ათე მარწკინაიაშა:
"ინა ჯგჷრო დჷმორძღანსჷ,
"ეში დუდი ჯანდაბაშა".
ჟურუ დო ლენჩიში ამბეფი
უმოს ჯგჷრო მუთ იჭარე?
მუსჷთი ვე ეჩინენსჷნი,
იშოთ ირფელი მუთუნჲ ვა რე.