მუდღას თოლსინთექ დოშკირტჷ
მუდღას თოლსინთექ დოშკირტჷ, მემდინუ,
გინმართჷ, დღალენქ წკურიანტელო;
ვაბჯერს, თაშ მუჭო დინუ ტალანტი
მა ვამოძირანს სინთეს სანთელო...
მოღირაკილი, ართ წმინდა შურით,
მა მარდიანშო ვოცადუქ, ბხანდენქ,
ხვალე ათენა მოკვირჷ, ფარსაკო
მიჩქუ მა, უსინთელს ქუდმარჩქალენსჷ;
მუშო ოკოდჷ მარდიანს, ჩქიმო
ჯინაშ დინაფა, ჟირხოლო თოლსი?!
თაქ ჩქიმ მოთმინა ეკმიღანს ხონარს;
მუთ ღორონქ გაჭყუნ თის ვომორჩილუთ,
მუ, თოლმაჯინე, გოკონდა, ჸვერე,
მარდიანს, მელჷ დო თიშენ გერე. (ფისო)
ნოემბერი 2018, ვაშინგტონი