მოხიოლუ სქანდა მიღუ მიოლუ
მოხიოლუ სქანდა მიღუ მიოლუ,
მემნაკვერა სქან გოძიცას ჩქიმ შვენას...
ჭუაქ, მუჭოთ ბირცხაქ, გეკომიოლუ.
ღორონთ, ჩქიმდე მითინს მუთუნქ, ანწ ვენას.
თე ჩქინ შარა ხვალე ჩქინი რე გალუ,
ვემკვოჯინათ, მიდგაქ, მუდგა თქუასუნ.
ჩქიმ შურდგუმაქ, ჩქიმ რინაქ სი ქუგგალუ.
მუჭო მოკო ასე სქანწკმა პუასუნ...
დინაფილო მიმოჩქუდუნ, დუმართუ.
ქოფალ პეულქ, ითამ ზოთონჯქ გეთუკო,
აფუნიშ შურ მასქურცალო გუმართუ,
ჯღა გეკლიღ დო უკულ მუჭო ვერთუკო...
იბათქალუ თე გურ მუჭოთ წვერედა
ალნაჭოფა ჯუმიშ პიჯის ანკესით...
სქან გეშა რე ასე თე გურ ჸვერე-და,
ვეშილებე ქიგლეტუე, დარკე სით...