მთაწმინდაშ თუთა -
დიო დღას ვენკორჩქინელე, თუთა თეცალ რჩქალი,
ონჯუაში ჩანგიშ ხონარქ, ირფელ ართო გაფშჷ,
დოუძახჷ ლანდენსჷ დო, ჯალებს მიშაშუანს,
ათეჯგუა წყნარ დო ციცფუფ, ცა, მა დიო ვაფშჷ...
გობშა თუთა -ზისნახე რე, სინთეშ გიობ ძია,
თიშ ჩხორიას მეკირილ, ჯგირ სიზმარშორო,
ჩეთ იძირე მეტეხ დო, ხასლას ელაბ ნტკვარი,
თუთა დღას ვენკოჩქინელე, თეშნერ, ციცფუფცალი.
მიჩქჷ, ათაქ აკაკის ლურს- ხენწიფეშ ლურით,
გინოფორილ ვარდებით, ოსაფულეშ ჯინას-
ვემიოტენა მურიცხეფ ხაფაჩის გურით,
ბარათაშვილს თაქ უჸორდჷ, ომბოლუო რინა...
მოკო ტობაშ ოლორშორო, ბირათ დობღურუდენ,
დო ქოფთქუე, სერქ ჩქიმ შურშა მუჭო ენიჯინჷ,
ეგებ უკულ, ჩქიმ სიზმარს ქაჩანას ფსუაქ,
დო გოფაჩას ონჩურალო, ორცებაში ჯინჷ...
ღურუშ მულა, მუშობურო, მუჭო გინოთირანს,
მაღურჷ ოლორიშ ნაბირას, წყარგელაფუს -ვარდის,
მუჭო შურით ბგინაფულენქჷ, ზუღაშ დუნაგურეფს,
ღურაშ შარა, ვარდიშფერიშ უმოს, შხვა მეტ მუ რე ?
მელერსეშ გერგეზობა, არიკჷ რე, თე შარას,
დო ვაჸოფე ათეცალი, შურუქალჷ სერი,
ეწმაძირეფ, მა თქვან ხოლოს- ღურას მივაზადუქჷ,
ვორექ მაფა პოეტი დო ბირათ ოკო ბღურე,
მიდაჸუნუ თქვანდა ჩქიმი ქნარი, ოშწანურეფს...
მუჭო დღას ვანკორჩქინელე, თუთა, თეცალ რჩქალი..