მემჩქუნ, ვოდინუა
მემჩქუნ, ვოდინუა ადამიერობას,
ირკოჩ დო ირ მეკონ, ჩქიმ ნორთიენ მიჩქუ...
მა თაშ ვამგინაფუ დუდ, ამიერობას,
თოლშე ჸოროფა დო ხვალე, ხიოლ მირჩქუ...
ითამ ათე ჯა დო ათე ქამენია,
ჩქიმ გური დო ხე რე, ეკარკაცელ, დიხას.
ჩქიმი ნახვამაშენ, ღორონთქ ჰამენია -
არძა ფანიაშა წიმოძინა მიღას
გუმარჩქინექ მაქ დო იფხვამადი ღუმან...
მუზმა თოლეფ იბრჩხი მა სქან ჭიროთიშენ,
გოკონ, მა პოფედკო, და, ჯიმა დო მუმან.
მოკოდ მიგეხვარკონ- მიჸორდი დო თიშენ!
ასე მუჟამც ათაშ, ვორეთ ზოხო-ზოხონ,
(ფიზიკურო, ვარა შურით ვორეთ ართო).
ვამიჩქ, მუ მოხიოლ, აკა, თეს მუ ჯოხონ! –
მუშენ მინჯანს ათაშ, თე თოლეფი, ფართო...