მარქვალი (ზაალ ჯალაღონია)
Jump to navigation
Jump to search
გოღანერიშ ამდღათ
გინორთა დიბჭყი.
მუთუნ ვა მაპალუ მარა,
ბორია იშენ აწმომკინანს
გოწონერ წირს დო
ჭუმანერ ამდღას შურ ქავოტე.
ლერსიშ ქარქამშე გეგნობლი დო
ღურუს გიწულე.
უგაღე კათაშა ვა მარჩქილინე,
ხვალე ართ პეულც გარსიოლია გიწინა,
მა ფარფალიაშორო არძა ვე ოკო გეგნოფშურეკო.
ჩქიმ კათა მა ვაბძირუნც,
ნანაშ ნინაშ ნოტეხეფშე იბჯინექ.
ათე ნოტეხეფც კინე მარქვალო
აკმომჭუჭატა.
თექ დიბჩუა დუს
მიარეშა თი მარქვალშე კინე გიშებლე დო
შხვეფსჷთ გაგშეპონა.