მარგალური შხვადო შხვა რე
მარგალური შხვა დო შხვა რე,
არძას უღუ მუში კილო,
რახან უჯგუშ მიღუნანი,
მუშე ფთქუათ სათაკილო.
ორე სამურზაყანური,
მარტვილური-აბაშური,
სისქვამე დო სიწმინდათჷ,
არძას უჯგუ ოდიშური.
მარგალეფი ართიანცჷ
მუშე გიაძიცენდასჷ?
მარგალჲ ოკო მარგალურო
სქვამას იჩიებუდასჷ.
იფხანდი დო მარგალურცუ,
"დუდი ქიგუოჸვილია"
მარგალურიშ მოჸოროფე
ვორექ დენის ღვინჯილია.