მარგალი პოეტეფს
გვალეფს ქუერკინებუქუ,
ცას მურიცხეფს ჩუთხინუა,
ბჟაშჲ ჩხორიას ქუანჭუქუ,
თქვანჲ ნათქუელს დუც გულუა.
ოდაბადეს მუნათანგა,
თქვანჲ მუზეფჲ დო გურიშჭუა,
ჩილამურიშჷ მარჩხია რე
ცაშჲ ორტყაფუშჲ ფერიჯგუა.
თქვანჲ დიდაში ნანა სქუა,
თქვანი გური კრისტალჯგუა,
თქვანჲ მარდუალჲ დიდალეფი
ღორონთიშე ნათილი სქუა.
მუსხე ფათჷ აკნაჭა რე,
ლაგვანიში ორჩხეჯგუა,
თქვანჲ ნათქუელჲ გურით სუფთა
თქვანჲ აშნარდი ონწეჯგუა.
ბირგულჲ დოშქუმალირჲ მაფუ,
ხატის ფთხულე ქომოლსქუა,
პირჯვარს იპწერქ, ირო რდედას
თქვანი ჯგუა დიდი სქუა.