მარგალი ვორექ...
Jump to navigation
Jump to search
მარგალი ვორექ: ძალამს მიჸორს
ნანაშჷ ნინა მარგალური...
ენა ოგორაფალჷ ვარე –
აქ მუთა რე უსქვამური!..
მისჷ ვაუჸორს მუშჷ ქიჸანა,
მუში ჸუდე დო კებური?!
სი ეშენჷ მუს მიღირზინუნქ?
მუს გიხორცქუ ჯარით გური?!
ჯიმა რექო?, – გოჯიმალუქ:
მიჩქ ჸოროფა ჯიმალური...
მარა დუსი არდებელო
ვადგანებენქ, ჩქიმი შური!..
დროქი გუმოჩინებაფუ,
მურე ჯგირი, მურე ფური,
მი პუნს ტერი დო მოჯგირე,
გალენი დო ჩქიმი თური.
1919 წანა. ახალი სენაკი.