მაჟორ ინოდგ ნამდგარენ ჯერღვის
სო იბდა,
შქურინით ეფშა
მუნაფას მიკვატყობაო?!
უჩინებ ცაშ თუდო,
უჩინებ კათა გილურს.
არძა ნინაშა მიჩქუ
შურუბუმობა.
დოშირე ჩქიმი ჭუა
მა უქვინჯე რინა მიღუ.
ქარსამეფს ხე ქოუკინდე დო
ნინა გეკუსოფი.
ოკონდა,
გიმოჭვათას ანწ ჭვემაში
მურკულია ჭვათეფქ.
მის უჩქ მუზმა ოწონდე მიკიბტენი,
მუზმა მურიცხიშ ჯოხო გიბდვი
დო მუზმაშა ვამოკოდუ
ჟი ცას ანგელოსო გეცუმა.
თოლ სოლე მირულე ასე,
თოლი, მუს მუკმოძახანქ
უმოსის.
ახალ ორჩქინუს დო ახალ გარჩქინალს
ირო მივეხვარებუქ,
ოკორთინაფილეფს ოკონა ედგინა.
ქომუჩით ხე, თქვან ბორჯიშე
გიშებლათ ართო,
ვადინაფე ქიანა.
მაჟორი ინოდგ ნამდგარენ
ჯერღვის...