მალა!
ჩქიმ ზნახებას ცირა-სქუა თეზმას მუშენ ჸურე?
ვანე, გვალო გოზალუდას თოლწოხ ეწკოღურე...
მალა, წორო ქოფუბრინათ გოფშა თუთაჸურე!
ჯალონს მითოღუღინუნსუნ, მეხვალახე ღუ რე...
ფურე გურიშ დორჩქალაფა, მუ რე, ქუდმოგურე.
დურეს ვადინმორაგუა, ბონ ზას ქიგმოწურე.
სქურეფ გეგნობჟუმინათ დო მინალს გემნწყათ ლურე,
შურეფ გევობირუათ დო ვორდათ მეჩონგურე,
თურეფ აკვოკათუათ დო დიბჭყათ ოსხაპურე!