ლეკუხონაშ ჯახაიეფს
ჯგირ კათაშენ ირიათო,
ირო ჯგირი ირაგადუ,
მარდუალეფს ღორონთუმე
ჯგირი სკუალეფი არდუ.
ჯგირ კოჩიშე ჯგირსი ელდა,
ნამსუთ უღუ ჯგირ კოჩანა,
მახანდალეფს ჯიმ დო ქობალ,
ორტვინი დო დიდი ჸვანა.
კოჩანიერს კოჩანა უღჷ,
კულტურა დო რჩქინა წონა.
თეცალ კათა ცხოვრენს სოფელს
ნამსუთ ჯოხო ლეკუხონა.
მინდორც ჯალეფი ასქვამენსუ,
ფერდეფს ვარდი დო იეფი,
თეშ ასქვამენს თე სოფელცი,
ჯგირი გვარჲ ჯახაიეფი.
ღვინ დო ონტკა მახანდალეფს,
უღნა ჯვეშ დო ახალია,
სტუმარს პატის ცენს ლეჟა დო
ჟორჟი, ჭატი ჯახაია.