ლაშა გახარიაშ შინას
სკან მარგალურ ლერსეფ, ლაშა,
გურს მირდუნს დო მოტიბუანს.
„შურქ ქინმანწკირ გურიშ წკაშა“,
მემჩქუნ, გვალო მოდინუანს.
ამდღა ოშშა ფკითხულე დო
„კონჭიცალო მორთინუანს“,
გიმაკვარკვანტ ნინას ტრედო,
ხე დო დუდის გომილუანს.
გრანელს ჭირქას უხაკუნქინ -
ხათე კუჩხის გიმორნუანს.
„ბერწულ კარკაცანსია, კინ“
მიჩინანს დო სკვამას თქუანს…
სკან მარგალურ, ლაკადური,
ელე ცაშა მოფურნუანს.
მუ ჸოროფათ გომიფშ გური –
ღორონთ სკან შურს ოჩხონუანს!
გოჩხონუას!
06.06.2014 ზუგდიდი