კუპლეტი.1280-1282

1280.ჰე, თოლიგე თე ნაჭარა
ჩქიმ ნაუფა, ნახანდარე,
ტან კალამო მერჩქინელი
ნაღველ-ნაწიშ ნაღვანდალე.

ჩქიმ გურ სქან გურ დოფინელსუ
ქაღარდცალო, ჟიდო მარე,
სი გურ, უჩა ხვალანჯერი,
ვეიშკვენი კვარზალ ვარე.

1281.ხომ ქარწყექ თე ორინჯე,
შურგე, მუჭო კვარჩხი რენი,
ბარჩხალია ოსინთეში -
ცა წკვარამო მაძირენი.

მენცარეფი წონულენსუ
მისით მუთუნ არჩქილენი,
უსქანეთუ მუთ გავრზუქ
მაღურელ დო ხანწკირელი.

1282.ვარწყექო მუჭო გოვრთეს
სოფელქ დო ბორჯი ჭვილქუ,
ვამაძირი ხარებული
ხარებულო ჸოროფილქუ.

მუ ქიმინას უსქანეთუ
გურქუ სქანდე პუროსქილქუ,
ანწ გოიცხად შურიშ რტინი,
თეხანიშა დოფულირქუ.