კოჩიშ ვორექ გოჯეგელი
მითინც, მუთუნ ვენკახირე,
გურ ვენომიძჷ დოჩიაში.
უჩაშ დღას ვაპოფექ,
ვართ ჩეში დო მორჩიაშ.
კოჩიშ ვორექ გოჯეგელი,
კოჩიშ ვარ, კოჩიაშ.
კოხაცალო გინორთელე,
არძა დღა დო ონჯუა.
ჰამო ვარე დიხა, შურო
ცირა ვარე ხომ ჯუა.
შარა ოკო ირფელც ბონი,
ბონ ვარა და ხონჯგუა.
დაორებე ოქიანე,
დიხას გეძუ დარაკა.
მი რდინ თინას კარაკანო
ქუგოძირანს ნგარა დღა.
ხვალე მეულ, მეურც კუმა,
შურიშ ფირქო ნარაჸა.
დიხას ოკო ქინიკირე
ვარა დიხა, ვარა ჸა.