კოს კოჩანა ვაუღუდა
“კოს კოჩანა ვაუღუდა,
მუს უკეთენს ბრელ ფარა!”
თაშ რაგადანდ ჯვეშშე მარგალ,
თიშენ უღუდ ბერსელ ჭყანა.
ისტორიას ვაუჩქ მარა,
ქუმურს თიში ბორჯი დო ხანა,
გუახალებ თე ჯვეშ ზისხირ,
დო მიაჩამ კოს კოჩანა.
ფარამ რინა გეხვილურ რე,
ვე მიოთა სკან ღირალა,
მარა თაშ რე პატის ორდე,
ვერგუ ქვირთუ უღირალა.
ირფერ ოშკეთ ანაწილე,
ფარა ჯიბეს, გურს კოჩანა,
არზ დო გონს გაანაწილე,
ჯვეშშე ეფშა ნაბაჩვალა:
“კოს კოჩანა ვაუღუდა,
მუს უკეთენს ბრელი ფარა!”
თაშ რაგადანდ ჯვეშშე მარგალ,
თიშენ უღუდ ბერსელ ჭყანა.