კართე
დუდშა მემიძჷ მურთაგათ
ნაღართია ჯვეშიში კართე,
ულირც მეტჲ მუთ დოუძახა
კოლხურობათ გეკიბხართენ.
დუდშა მემიძჷ მურთაგათ
ნაღართია ჯვეშიშ კართე,
ჩქიმჲ დიხა დო ჩქიმი რინა
ჩქიმჲ ზისხირი ქოფუნაფე.
ცოდაშ ბიგაშ ნაშაყარას
რინას მივოციცონანდი,
მოკოდ კვარჩხ – მორძგვჲ ეკიბლიკონ
ჩქიმი ფსკაში ძიცონა რდი.
მუზმა ქიგეინალი დო
მუზმა ქიგგაკილოთი,
ხე–დო კუჩხიქ მიდამირთუ
სქანი ეკნაკიონტი.
კარი ვარა გემნაანჯი
ბორიათი მინოორთი!
ჯინათი ვორექ გობრანგილი
მესიში პირო თიროთი.
აკაბუცხა ყებურისუ
შური ეკმართუ ჟიროთი
ოშნერეფიშ მერჩქინათი
გური ეკიფხიროკი.
მუზმა ქიგეინალი დო
მუზმა ქიგგაკილოთი
კარი ვარა გემნაანჯი
ბორიათი მინოორთი!..