ირფელ ითებუნ თინა ქუმორჩქინასუნი
ირფელ ითებუნ თინა ქუმორჩქინასუნი,
ვეგლვაჸუნუდი
ჩქიმ ოროშ ბორიას.
ონოფულე ჩიებებფშე
ვეშაპსხაპუნდი,
დო ვართ ჩქიმ თოლიშ ნიარეფშე
დიბჭყანდი ხვამას.
ფურინელ ზიტყვას უკმელა მეუღ
გოთანაშ წუმარინაფალო.
ზიტყვაშ ნოკვეთეფც ნგარა უჩქუნა,
ჯერღვეფშე ეშულირ ნგარა.
ათაქ ასე ვორექიან
მუჭო ბთქუა თენა,
ჩქიმ ჯოხო თენა რენიან
მუჭო მარაგადე?!
ნამ სქილედიშ გაშინალო,
ნამ შურიშ აწახანტალო ბთქუა?!
სინთე ქაწიბიბრე,
თუთა ქაწიბიბრგულე.
ართ ღურა აგაგაშე ეშულა დო
კინე თიშა ინულა ჸოფე,
მაჟირა ღურა, შურო ვა რე
დუდშე ხოლო კოც ქინორდიდა...