თუთა ახალიში სონეტი
თუთა ახალი მა თი სკანი იეროგლიფი
მუჟამს ბძირინი თელ სერც ვოხედი დო იმნგარდი,
უკულ სისმარო ქუმკმარულუნ ქოთ ქიბძიცანდი,
მა ქოთ მიდული დო მიარო ხანსი სით იჸიქ.
სკან ნარტიშ გემცი ვადოხვადუ მუჟამსით რიფი,
დო ნწარე რინას ანწ მეტიშა სი ვაგანგარდი,
თი დროს ქინგარდი დო თე ჸოროფას გინიგანდი,
ვეგანდინ თეში ვეში, თაში გოკო დო იჸი.
ექ გახიოლე გედეფწკუმა გილანჩურუა,
თეშ გოიტიბუ,დღას ვათქუა ეიჩხურუა.
პირველო ძირინ თი კოც გუნწყუნქ თიმ სერც სი კარტის,
თუთა ახალსი ქუმკაბინა სკან გურიშ ნარტის,
ვაგაიკვირდას სოვრე მიში ოდო სო მერთი,
- თე ჩხე გურც გიღდას სახსოვარო ჩქიმი სონეტი.