თე ჩილამურც
თე ჩილამურც, თე ნგარასი
ლაზ ჯიმალემც მეურჩქინა,
გურს ბჭუნს, ვამოსვანჯუანსი
ლაზონაშე მუნაჩინა.
ჩქი ანწ ართო დღას ვეპითი
ვამჭარუნა წორო რინა,
ი ხან აშო დღას ვედირთუ,
ართო ორდუ ჩქინ ლაზონა.
ავრე რუსიქ მიდამიღეს,
ევრე თურქიქ მოშქვიდესი,
უჩა ზღვაში ბჟაეიოლი
მუჟამს ჩქინო მიღუდესი.
ხუთი მილიონ ვორდითი
ასე მი სო მითიგაგუ,
მიშ ოსურემს ალუჯანუ
დო სო დო სო გილეგაგუ.
ართიანსი ვავორწყეთი
დო შორშე მივოჯინეთი,
მუთ მიღდესინ ვავორწყექი,
ირფელი მივოდინეთი.
გუბაზ მაფა ჸვილესინი,
თიშ უკულ მედინ ძინაქი,
ვაი ახავაი ჩქინ ბედისი
ვაი ახავაი ჩქინ რინასი.
ტუაფსესი მი გორუნსი
სოხუმშეთ მაჸის ულაქი,
ჩქინ დიხეფი მიდამღესი,
ქიდიხორუ შხვა რჯულაქი.
მუშ იმენდ მიღუდანინი
გოკითხუქი,- ქომწი ჯიმა,
გურს ბჭუნსი დო ალაფთხოზუ
ლაზონაშე ეკნაჩინა.