თე რინა შქაშა
თე რინა შქაშა ურთუნი,
მოლე სტიქსი რე, ლეხერი,
გურს ქასვენჷნო მუთუნი,
ანდანერ ჭუა მეხენი.
ჩქინ შქას მიშ ჭყანა ეშარე,
შურს თიშ შკურინჯი მებუნი,
ირიათონიშ მეშარე
ზას გეჸუნს აბორჯებული.
ჭვენს დო მორტუანს ჭოროფა,
ვორექ აგაგათ მარტებუ,
მის ვუჯუმუა ჸოროფა,
მიშ შინა წიმელანტებუ.
თე გორჩვილ დღალეფს ვაზარე,
ვარც ეკმითინე ოჭიში,
ქჷდოსკიდჷნო ართ ბორჯის
თე უბორჯობაშ მოჭიში?...