ზღვა ლჷმენს, ზღვა იგანჩჷ
ზღვა ლჷმენს,ზღვა იგანჩჷ,
ზღვა ლასირანს ჩქიმჲ სვენასჷ,
დღაში შიღურჭულიინ ჭუანსჷ
წკვერეტელი სი სერასჷ.
მუკუნი რჩქინაში სადიოსჷ,
ქინვოჯინი შურს უთოლც,
ვავა , წყარკაკია ტვინს
რჩქინაში ჭყეპი ვაუთორსჷ.
მიჩქჷ მიჩქ შიმიჩქჷ შიმიჩქჷ,
მირსხალი ვარეთი შჲუმოსი,
ახალჲ ჭუათ ჷმუშმურსუდო
გურსჺ მირხუნს დო იზჷმოზჷ.
მოკოირიში აკოგაფა,
მინჲ ტატალო , მინჲ ჭუჭელო,
მარა მელეთჷ მოლეგერე,
ჯვეშებური ხაჭუჭელო.
რტინელჲ შარაქჷ ვადმოგურუ
ჩქიმჲ რინი მუჭოთ ფხართიკონი
დოხეფორჩა ჩქიმჲ კილესჷ
მუჭო თე კი პკართეკონი.
იშენჲ მოკო , მოკო , მოკო,
დუდი ევოფშე შხვა რჩქინათჷ,
გოწონერს ჷქუჸუნუე
აფუნიში ნაჩილათჷ.
მარა დამორჩილიში დღასჷ
სიკუნტარე ქუდუჭყაფუ,
ნახანდი დო ნაქიმინა
დუწიმინდუ , ქუდურჩაფუ.
ზღვა იშენი ლჷმენსჷდო
მილასირანს ჷკინჲ სვენასჷ,
დღაშიში ღურჭული ინჭუ