ზუღაშ არიაშობა
ზუღაშ არიაშობა,
ვერჩე, ვერჩე, ფაფალა.
აფაქია ფელუკა
არქე, არქე, აფალა.
აქანია ბორია,
მათირია ფარფალა,
თუთა რექო, ცირაცე
დო მუნაფა, სარკალა.
შური ეშე ვაკაშა,
ყინტი ხოლო ვაქალა,
ჭვემას კინე მეუღუ
მუში მუნაჩხაპალა.
ექაქილი რინა რე
ზუღა, ზუღა შქიორი.
ეფაფილი მუნაფა,
ეფეშქილი პიორი.
ელე, ელე, ილემი
ნირსი შორშე მოფორუ.
რეხიჩელა, რეხია
თოლცუ აწმაფოფორუ.
აქანია ბორია,
მათირია ფარფალა,
თუთა რექო, ცირაცე,
ზუღას ინოვარკალა.