ზოთონჯი (დანიელ ფიფია)
ილიებუ დამორჩილი,
ზოთონჯი რე დღამორჩილი,
ჩხურუს, ჩხურუს უძინანც
ჸინი, ჭვიმა გომორძგვილი.
ჯვეშობურო ბარჩხალას
ვავორწყეთ ბჟალარას.
ორინჯ ვარცხუ მინჯეშ თის,
ალეფაფუ ლაფარას.
ჯალემც ვაგაპალუ ფა,
გოზარ იში ძირაფა,
უჩათჷ რე დოღუზილი,
ჟი ცას ფორუნს მუნაფა.
გურსაჭვო რე ორთა, რჩვილი,
ონდე-ონდეთ კილეძირე,
ბჟაშ ჩხორია გითორჩხილი...
შური, გური ფირქე თეს,
ვაბძირუნთო ნოტე თეს,
ნოტე მუჟამს ქობძირუნთ
სქვამ აფუნი დჷმართეს.
1923 წ.