ზოთონჯიშ სონეტი
ზოთონჯო მორთი, მარა თოლშე გიჩქუ აფუნი,
სქანი სახელი მიდუღალუ ნწალე ბორიას,
ვო, უსქანობა, უმენდობა ჯაქვაბორიას,
თე აყმარწობათ გურქჷ ხოლო ქიდგელახჷნი.
არძა ბორჯისჷ უთირალი უღუ კანონი
დო თეში ვიშო მუთუნ ვარე ჩქინი კორინი,
მუზმა ხანი რე, გოლვაფირო, ვამაგორინი,
ჸათე წანეფცჷ ქიმკიჭარანც ირიათონი.
სქან შურიშ ნართის გილაგორუნც ამდღა ჸოროფა
დო პირელეფი გიშმარწკინჷნც სქანი თომაშე,
ვაგობაღჷნო ჭიროთი დო თეზმა ჭოროფა?
ჩქიმი ნარტეფი სქანჲ გურიში კორთხოს დინაფე,
ჸათე თოლეფი ჯვეშებურო გეშმოჯვიდაფე,
ვარა უჩურცხალჲ ზოთონჯჲ ხოლო ქუმურც ორთაშე.
2014 წანა, ღურთუთა.