ზოთონჯიშ ოჭმარე (ზაალ ჯალაღონია)
Jump to navigation
Jump to search
ქათიბიბრე ართიშა, რინა თიშით გეფსქვამჲ,
მიჸორც თირით ფინილი ჩე ოჭმარე ზესქვამჲ.
ხილა ქუგოჸინაფუ, ჩილამური თელას,
ზესქვი მიახვართქალუ ჭითა კურკანტელას.
ჯაშ ჸალეფი იქანცუ, ნარასუ დო თინას,
დიამუში უძახუ ჭიჭე ცირას თინას.
მასქურ გიაქაქალუ, ბაღანობაშ ჭველას,
მუთუნ ვეგჲაძირუნო ამსერ თუთარჩელას.
ხიოლ მიღუ მერეთი, ათე მერქა ბჭოფინი,
ათაქ ვორექ ასე დო შხვადო ვამკო სოთინი.
გური ცაშა მემიღუ, ქიფჩანუა სუას,
თეჯგურა რე სოფელი ახალ მუნათუას.