ზისხირჲ ხასლას ალაპუნდჷ
Jump to navigation
Jump to search
ზისხირჲ ხასლას ალაპუნდჷ
გოტყაბარელჲ ღვაშჲ,
წანეფც ქოუფურინუნა,
დღალეფც ხოლო თაშჲ.
ჭიე-ჭიეთ მიბიბრგულე,
შურით ქინიბკაშჲ,
ჯალეფც ფურცელ დოურთინე,
ცას ქუწყორე ცაშჲ.
მა კინ ულა ქომსხუნუაფჷ,
ქომსხუპუაფჷ დუდჲ,
მინშა შურო ვებძირებედჲ,
მინშა ონდეთ ბრჩქუდჲ.
რინაშ მელე ფუბრინუნდჲ,
ფსუას შურით ბგუდჲ,
ასა-გასას ვანტირედჷ
დიხაუჩაშ ჭკუდჲ.