ვო, მარია, მარია

ვო, მარია, მარია,
ქოგიჸორქ დო ვარია
გიჸორქჷდა "ქო" ქოთქვი,
ვამიწუა ვარია,
ვო, მარია, მარია.
ვადობჭვა დო ვადობხაშა,
ირო მისხუნუქუ შხვაშა,-
ჩქიმ ხატი დო ჯვარია,
ვამწუა ვარია,
ვო, მარია, მარია.
უსქანეთ ვადმარინე-
ამარ გეებტყარია,
ალ-დაჩხირით იბჭუუქუ
ქჷგმოცაცხე წყარია,
ვო, მარია, მარია.
ჸუდეს ვორექ მა ხვალე,
კარცჷ ქჷმკუბარხალე,-
მანგარ ვარე კარია,
გური გამიხარია,
ვო, მარია, მარია.
მუთ მიღუნი, სქანო მიღუ,
სქანო მიიხვარია,
სით იხარი ე ცხოვრებას,
მათი გამახარია,
ვო, მარია, მარია.