ვამათირე შხვა ნინაშა
Jump to navigation
Jump to search
ართ მიღუნა ოდაბადე,
ართი შურობუმუშ ნინა,
ქობღურდათჷნ, ქიგმაშინან
-ნინას ოკო მიკოჯინა...
ამდღა გოლანძღირი ორე
ნინა ჩქინი ჯვეშშე - ჯვეში,
წიგნი, ჭარილ მარგალურო
მუდგა გორენ, სოთინ ვეში...
მუ ღორონთიქ გუმაჭყორეს,
შურო ვავორწყეთო თესჷ,
ჭიე-ჭიეთ მუშ ნინაშა
მარგალს გური გეუჸოთესჷ?!
ჩქინ სანარღოთ, ლაბანიძე
-თე ქიანას ხვალე ვარე,
გურს ვეგიოხანტ მარგალური
ოქორთუეშ მაჭარალემს...
კოლხურ ნინა ვაჸვილენა,
ქჲანას მაჟარათ დორთინაშა,
მარგალური ვამათირე,
ვამათირე შხვა ნინაშა!...
1994 წანა, ივანობა