ვადომღურა
Jump to navigation
Jump to search
ჩქიმი ნინა ღორონთიშე მეტებული,
გინორთელექ ამდღა მიშ რე გაძიცალო?!
თიმ დღას ბღურა, სქან დღალეფი გეთებუნი!
სქან სიტიბას მიშვოპარკუქ ჸანჭიცალო...
სქანი ჰამო ბირაშ ნარდი მით ქორდუნი,
გეგნოცუმე ბრელი შხვადო, უნტებუნა...
დუშქირიტნა ბჟაშ ჩხორია მიგორდუნი,
სქან ჯინჯიშა ალ-დაჩხირი მუნტებუნა!
- „მიშ მარგალურ, მუშო მოკო, გეგნოდინი!“
რაგადანა დუდ ძიკალი დიდალეფი,
გურ მიღურუ მადინაფუ გეგოდვინი,
მუდა ნინა ქორე ქანას გინნალეფი...
ტერიშ ჯინშა ვადომღურა მარგალური,
სქანი ჯაბით ამარ-ამარ ქეშკოდინი...
ირიათონს ქუღურჭულე მაფშალური,
ონჯღორეშენ ღულა ოჭიშ გეკომთინი!
ზუგდიდი
05.24.2014