ესკურსია ცაშე
კინ დაშორმებაშ დაჩხირი ბჭუნცუ,
ვამოკო გური სამარეს მებჩე:
მა ხო მოკოდჷ ულა დიხაშე;
მა ხო მოკოდჷ ფურინი ცაშე.
თექ უძირაფუ მელჷდ მუხური
დო ნირსიანი უხურგე ასა:
მა ხო მოკოდჷ ულა დიხაშე;
მა ხო მოკოდჷ ფურინი ცაშე.
ეთი პლანეტას მომონკჷდ ფირქი
დო გინოლასინც ველჷდი კინი:
მა ხო მოკოდჷ ულა დიხაშე
მა ხო მოკოდჷ ფურინი ცაშე.
კინ დაშორმებაშ დაჩხირი ბჭუნცუ,
ვამოკო გური სამარეს მებჩე:
მა ხო მოკოდჷ ულა დიხაშე;
მა ხო მოკოდჷ ფურინი ცაშე.