დროთ ბორო უჯგჷ ჭკვერც
ცოდა ორე ბრძენი კოჩი,
მითი სერითი ორწყენი,
მის ირფელი უჩქჷ ქიანასჷ
ულირი დო მორთელი,
მის ხუთჷ კითი აწოუძჷ
ქალაქი დო სოფელი,
ვაშაჩირთჷ ანგარიში,
ოშ მილიონო გორთენი.
ცოდა ორე, მის არჩქილე
დინახალენი დო გალენი,
ონირზ შარა ჩილათირსჷ
დო მუთუნი ვაგალენი,
უსხუნ ჸუნგა ორდასჷნი
უნინე დო ჸვერენი,
ვარდა შურო ვარდასჷნი
მელენი დო მოლენი,
არდებულ ჭკვერს ბორო უჯგჷ,
მუთუნც ვარწყე თესჷნი,
ოჭოფუნს დო უმბელოთ
მინდორს ურქენს ცხენსჷნი,
ვასინ წკონდა, ვასინ ლანდღვე
ჟირხოლოს შუნს თესჷნი,
იშენი მუთუნი ვარგებუე,
დაკინუე ხესჷნი.
დუდით მუთუნ ვაქიმინე,
დღამთას ორთჷ ხეთჷნი,
გილურცუ დო იშენი ლურცუ,
რგილი მიოჩქჷ ჩხეთჷნი.