დოზუკოლჷეფი ელახონურჷ მესიაკონურჷშე

- ვეგიაწამა ტყურა, ნამდა აშჷ ვადგართასჷ კუჩხიშ გებიჯგაფა-ნოჸარჩუაწკილა ართო, ვანდარო უბადო შური აწმარხვადუ, გეწამაფა ხოლო-ირო ალგათხოზუ.

- გურმულას ვეიაჸუნა, მუდა თის მოპატონელ ადამიერ იჭყოლიდუანს საღალეშ ღიაბის, ოდინუანს ბედინერ მერქჷეფს დო ხეშე უტენს ჯამიერ საქვარეფიშ ქიმინუაშ ჯან-ღვენას.

- მუთხილე ლაგამერღვაფილუა-პურპუზუას, მუდა თიშე გიშნაველჷ ლეხუანობა-ყირყაფიე დო ჸვაშა ტოხაფჷ.

- ნჯარი გურჷშა ვენიდვა, რინა ვეგიჟღამარუე თიშენ.

- ონჯღორეშ გურჷშენ ცოდას ვენოლა.

- ორდა გურგედვალირ დო პიპა, რდა დორხველ ხანდათ დო ნოხეჭეჭჷშე ღინდუეფჷშოთ გეგნოდვ მუთუნჷ. თე რჩქვანა არძაშე უმოს მოღე ივაფუ სქან საქვარუას.

- შხვაშ ღვალა ვემიხირა დო ვართ ოხანდე ოდინუა, მუდა, მით ვახანდესჷნ დო შხვას მიკმახვილანს დო აძალენს ეიჯუმუას თინა-ზირტიკიე.

- ოღრაშჷ კოჩჷწკილა ვენირზა, დუდ განები, რდას მუშოთ.

- ჰარამწკილა საქვარ ვემიჩა დო ვამოხვადა თიშ გაბლაშ თუდო.

- ბოროს ვენირზა, უბადოშე ფარა ვეჭოფა დო გემაწამებელწკილა საქვარ ვემიჩა.

გინმათანგალი გიორგი სახოკია