დობშულიდ თე რინაქ
დობშულიდ თე რინაქ,
კინე დუდშე რდუალაქ.
მინშა ვეჩხუპ, მინშა ვენირზ,
მინშა ხოლო გუჸალაფი.
თეშე იშენ მუთუნ ვა რე
დუს ქუმნვორღვი ქუა-ლაფი.
კინ ბორია იჭარგალუ
ნოტყელი დო ჸალარი.
არძა ზიტყვა ქუგოპინუ,
ისარკალუ შალარი.
რაგადუენ მუშო გოკო,
მი რე გიწმაღალარი.
ატა-ბატას მიშებწყორუქ,
შხვა მუთუნი მუ რე მუ აქ.
გურ ხასლაშა ქათომხუნუ
თეზმა თოლით ეზიმუაქ.
თი სიზიფეს ვაგურიო
გიაკერკელ ემერ ქუაქ.
დობშულიდ თე რინაქ
ენაგეფიშ ხუალაქ.
გურშე ნარღიშ მონჭყაფაქ,
ლერსშა გინორდუალაქ.
ირო ჭვემაქ, ირო ნირსიქ,
გოკონ, ირო თუალაქ...