გურწაულირი მოურს აფუნი
გურწაულირი მოურს აფუნი,
ნარტეფ ვარდეფით გეგნომღაფუნი.
სქან სერდაშ ჩქიმდა გოკო ჸუნაფა,
შურს- გოფშა თუთას, ფორუნს მუნაფა.
ვამიჩქ, შულადირს, მუ რე მაჸალენს,
სო რე ჯვეშ თხომუ, ჩქიმი მაჸალე?
ხუჯერთელი დო მერთემებული,
ქოთქვი, გურს მიში ჭუა მებუნი.
ტანს ბონდღჷნსჷნი ჭარაშ მოსა რე,
ჭვემათ მოჭვათანს ცაში ოსარე.
თოლიგე, მიკირთ, მიშა მეული,
ონდარო ფაშქჷნს ძუძუ-პეული.
ორთაშ ჯინაშა გური გაფუნი,
სქან თოლეფს ჰამას ჯუნუნს აფუნი.
...მა დამორჩილი მონარტ იშენი,
ვამკო, მირდე დო ქიდეშიშენი.
19. 02. 2015წ.