გოკინელჲ ცაშე...
გოკინელ ცაშე ხე გენთვოჭირინე დო
არძა ოსინთე ჩქიმით გუონჯი.
მორღას ქიდიპტე.
უნელო გორგალქ გემაჭჷ, –
ართო ოშქვართაია ფსუა გეფაბლუდჷ.
დიო ფურცელ მიჩქუდჷ დო დამორჩილც
ორთა იშენ დამთხინუანც მაქ, მარა ვარი,
ფსუაქ ირდჷ დო ირდჷ.
დამორჩილც ქუდოცუ ხიმფორეფქჷ,
გარაგანი დო შხიფი ინჭვილუდჷ,
ექი-ექო მიკოსორგუდჷ წანეფ დო დღალეფ,
დო ართიანიშ გურშენ ნათქვარშალა ჩილამური
იზირუდჷ დო იზირუდჷ.
პიჯი მუნაფათ მაფუდჷ ეხვახვილი,
ორაგადეს შურიშ ინოხ ფუფრცქინუნდი.
მურიცხი გურო ინმაჭკვაჭკუდჷ დო
ნამდგარენ ოფირჩას
სკან ჸუდეს მუკმუშარუანდი.
სერგინოქუნელო გილეფში დო მითინ ვა მორწყედჷ,
ხვალე, უჩქუდეს, ნამდა ისერუდუნ.